ألا يـاوجودي وجد واقف على الكورنيش
يفضفض على سيف البحر مير ما يشفيه

غـثا خـاطره مـن طـولة الصد والتطنيش
ولا هــو درى عـن خـله الـمختفي وشـفيه

تـثور الـمشاعر فـي ضـلوعه ألـم وتجيش
ومـوقـد لـهـبها مـشـتعل مــا قـدر يـطفيه

تـحارب عـلى ميدان  صدره فيالق جيش
تـعـلّـت هـمـومه وانـهـزم فـيـلق الـتـرفيه

نـهـاية طـموحه بـس يـعرف إجـابة لـيش
مع اللـ ليـش هذي ألف حيرة وجع تخفيه

تـغلّي؟ سذاجة، عذل عاذل، مجرد طيش
وبـعدين هـذا الـوقت بـالهجر مـا يـكفيه؟

غدا في كلامه ضعف وفي نبرته تشويش
إذا اثـبـت ســروره لـلـبشر حـالـته تـنـفيه

وشـكله شـكل طـاير عُـقُب نـتفوه الريش
يـعـرّيه ذكــر اسـمـه ويـنـباح لــه خـافـيه

امــرّ الـلـيالي طـاح فـيها واخـس الـعيش
ويـاكـثـر هـــم الـلـيل ويـاقـل مــا يـغـفيه

ولا زال بـين الـشوق والـوجد والـتفتيش
عـلى أقـرب إجـابة من عقاب الوله تعفيه

إذا كــان هــذا يـالـغلا حــظ مــن يـغليش
سـلامي عـلى درب الـهوى والـتّعني فـيه 
2019-11-23
عبدالله.الصلاحيas
.......... أبُو.بُردَة.as